Категорија: Препознај манипулација

Секој има своја улога – која му е доделена без да биде прашан.

👑 Златно дете
Она што постојано го фалат.
Го гледаш на пиедестал.
Не затоа што е подобро.
Туку затоа што е совршен одраз на нарцисот.
Ако некогаш кажеш нешто против него – ти си проблемот.

👻 Невидливо дете
Никој не го слуша. Никој не го гледа.
Сам бара контакт – со погрешни луѓе, на погрешни начини.
Учи да лаже, да плаче, да глуми… затоа што само така добива внимание.
Но никогаш љубов.

🐑 Црна овца
Најсилната. Најповредената.
Она што ја гледа вистината и затоа е омразено.
Она што ја носи вината, е исмејувано, засрамено.
А во суштина – тоа е она што се буди.
Она што станува опасно, бидејќи веќе не сака да молчи.

📌 Егоцентричниот човек мисли пред сè на себе. Може да е нечувствителен, непријатен, но не сака да го уништи другиот. Кога ќе се соочи со реалноста, може да се замисли. Има способност за емпатија – иако ретко ја користи.

🚨 Нарцисот, пак, има систем зад себе. Маска. Потреба за моќ, контрола, восхит – и потреба да те понижи, да те намали, за тој/таа да заблеска.
Не се работи само за големо его. Туку за празно јадро, кое го храни со лаги, драма, идеализација, а потоа и отфрлање.

👁‍🗨 Нарцис не е оној што само многу зборува за себе.
Туку оној што сака да контролира како ти гледаш на себе.

Затоа што не те гледа како човек, туку како функција.

🧠 За него ти си:
– извор на потврда,
– трофеј,
– огледало на неговата големина,
– или пак мета, кога мора да ја исфрли својата болка.

🔁 Нивната љубов не е љубов – туку трансакција.
Добива што сака. А кога ќе престанеш да го храниш неговото его – стануваш непријател.

💬 Нарцисот не те сака тебе – тој го сака чувството што го има покрај тебе, се додека тоа му користи.

А кога ќе ја почувствуваш празнината, збунетоста, вината – знај дека тоа не е љубов, тоа е зависност.

✨ Вистинската љубов не ја брише твојата вредност.
Вистинската љубов ти дозволува да дишеш.

Не е беден – туку себичен, лажлив и манипулативен.
Неговата цел не е љубов, туку контрола.
Не ја бара вистината, ја бара моќта над тебе.

Не заслужува втора шанса.
Зошто секоја шанса за него е само ново оружје против тебе.

Престрого?
Не.
Зошто она што ти го прави – она што ти го одзема –
е уште полошо.

✨ Ти него нема да го промениш.
Но ти можеш да се спасиш.
И тоа е почетокот на твојата слобода.

👉 „Не е беден“ значи дека неговата состојба не е изговор.
Многу луѓе сакаат да гледаат на нарцисот како на „сиромав човек кој не знае да сака“ – но тоа ја замаглува вистината:

тој свесно избира себичност,

свесно манипулира,

свесно бара контрола.


Значи, наместо да го жалиме како „бедник“, пораката е дека треба да го видиме како што е: опасен, а не беспомошен.

Во односи каде што владеат манипулација, вина и емоционално влечење, често постои невидлива структура – драмскиот триаголник.

Три агли, три улоги што постојано се менуваат:
Жртва, Спасител, Прогонувач.

И кога еднаш ќе влезеш – веќе си внатре, дури и ако мислиш дека само помагаш.
Дури и ако мислиш дека си „добра“.
Дури и ако мислиш дека си беспомошна.

🔺 ЖРТВА
„Јас не можам сама.“
„Јас сум жртва.“
„Сите ме повредуваат.“

Жртвата бара потврда за својата болка, не решение.

Често пасивна, но суптилно манипулира за да остане во центарот на вниманието.

🔺 СПАСИТЕЛ
„Пушти, јас ќе направам.“
„Јас знам што ти треба.“
„Само слушај ме мене.“

Помага без да биде замолен.

Му треба некој да зависи од него за да се чувствува вреден.

🔺 ПРОГОНУВАЧ (КРИТИЧАР)
„Ти си виновна за сè.“
„Ништо не правиш како што треба.“
„Заради тебе е вака.“

Критикува, обвинува, казнува.

Делува моќно, но доаѓа од внатрешна немоќ и страв од губење контрола.

🎯 Клучната вистина?
👉 Сите во овој триаголник страдаат.
👉 И сите (незнајно) го одржуваат.

Излезот доаѓа тогаш кога:
🌿 Не спасуваш никого што не те побарал.
🌿 Не носиш болка што не е твоја.
🌿 Не прифаќаш вина што не ти припаѓа.
🌿 И не дозволуваш веќе да те „сакаат“ низ вина, страв или должност.

Денес веќе не влегувам во триаголници.
Само одам по својот пат.
Не како спасителка, не како жртва, не како мета.
Туку како жена што знае каде е центарот – во себе.

Многу луѓе мислат дека прикриените (covert) нарциси се најопасни.
Навистина се мајстори на манипулација, играње жртва и бавно уништување на твојата самодоверба.

Но – ако некогаш си имала работа со малиген нарцис, знаеш дека тоа е сосема друго ниво.

Ова веќе не е игра.
Ова веќе не е само манипулација.
Ова е страв за твојот живот.

Закани.
Изливи на бес.
Следење.
Понижување.
Психичко и физичко заплашување.

Малигниот нарцис не сака само да те контролира.
Сака да ти е страв.
Сака моќ.
И ако не е по негово – уништува.

🛑 Затоа е важно да ги разликуваме типовите нарциси:

Прикриениот нарцис  емоционално те исцрпува и прикриено манипулира.

Малигниот нарцис може да стане опасен – за твоето тело, душа и живот.


📌 Не ја мешај тишината со безбедност.
И не мисли дека не си во опасност само затоа што уште не те удрил.

🌀 1/3 – Јас

Ѓи носев моите бохо-фустани,
слободна како ветерот меѓу маслинки,
се вртав под сонцето,
како ништо да не може да ме скрши.

Се смеев со телото,
што ја познава земјата, солзите и огнот,
секое движење беше молитва,
секој здив – покана за живот.

За тебе бев привид –
не жена, не душа,
туку фатаморгана –
што се восхитува од далечина
и никогаш не се разбира.

🌑 2/3 – Ти

Ја виде светлината,
но не изворот,
облаците,
но не небото,
обрисот на мојата сила,
но не и нејзината цена.

И кога ја подаде раката,
сакаше да ме фатиш –
како сопственост,
а не како чудо.

Но јас…
јас веќе се завртив понатаму.
А ти?

Сега ти ќе ја носиш празнината.
Зашто сè што го гледаше како игра,
беше – живот.

И фатаморганата,
што ја презре,
ќе стане
твоето огледало.

🔥 3/3 – Јас, повторно

Не бев случајност

Во животот ништо не е случајно.
И јас не бев случајност за тебе.
Бев одговор на прашање
кое никогаш не се осмели да си го поставиш.

Дојдов со тишина
што знаеше да љуби.
Со тело што ја играше вистината.
Со поглед што виде повеќе
отколку што ти беше подготвен да покажеш.

Бев премногу.
Бев  доволна.
Бев токму таму,
каде што најмалку очекуваше –
а најмногу ти требав.

Не како спасителка.
Како потсетник.

Јас не бев привид.
Ти беше слеп.

И сега, кога ме нема,
дури сега ќе разбереш
што значи присуство
што повеќе не ти должи објаснување.

Затоа што таа веќе не е трофеј.
Таа е слугинка, сенка, декор во неговиот живот.
Тој одамна ја девалвирал.
Во неговите очи, таа веќе не е нешто што се покажува – туку нешто што му служи.

📌 Не ја покажува – затоа што има резерви.
📌 Не ја покажува – затоа што веќе ја понижил до улога што не сјае.
📌 А ако ја покаже – тоа е пресметан потег.

🧠 Кога некој почне гласно да зборува за нарцизмот,
особено некој што го познава лично,
нарцисот се плаши за својата маска.

➡ Тогаш набрзина гради фасада на “среќен живот”.
➡ Одеднаш се појавува семејна слика.
➡ Видео од излет.
➡ Коментар: “горд сопруг”, “благодарен татко”.

❗Но не верувај.
Тоа не е вистина – тоа е одбрана.
Маската е загрозена, па ја цементира со илузија.

💔 Жената на нарцисот не е жена без вредност.
Таа е често таа што издржала, молчела, се грижела и се надевала.
А ако некогаш прозбори –
ја прикажува како нестабилна, неблагодарна или луда.

🎯 Сè тоа – за да ја заштити својата приказна.
Не неа.

🔴 Пази се од објави во кои одеднаш се појавува жена му.
Ако по години молк одеднаш ја покаже…
Не верувај дека е тоа љубов.
Погледни кој ставил лајк.
📌 Таму често се кријат неговите “резерви”:
– таа што моментално ја топли во инбоксот,
– таа што не знае дека е само една од многу.

💥 Нарцисот создава конфузија.
💥 Меша улоги.
💥 Ги тестира твоите реакции.

Ако си му жена – треба да молчиш.
Ако си му резерва – треба да се надеваш.
Ако си бивша – треба да жалиш.
А ако си паметна – ќе прогледаш.

✨ Понекогаш доволно е само да ги погледнеш лајковите под видеото
и ќе ја видиш целата игра.

Ништо не е случајно.
Сѐ е контролирано.
Вклучително и јавниот имиџ на брак кој не е брак,
туку систем.

Веќе не ми треба дозвола за да почувствувам нешто.
Не барам одобрување за да си верувам.
Не очекувам потврда во туѓи очи –
зашто мојата вистина вибрира во мене.

Енергијата ми зборува – пред нешто да се случи.
Инстинктот ми шепоти – дури и кога сите велат дека е сè во ред.
Мојот внатрешен глас ме води – дури и кога не знам каде одам.

Веќе не сум „таа што моли“.
Сум јас – што чувствува.
Што гледа.
Што знае.
Што слуша.

И не ми треба објаснување.
Зашто ова е мое:
Енергија. Инстинкт. Глас. Тоа сум јас.

✨ Моето будење

Порано никој не ме учеше да ѝ верувам на енергијата.
Ако го спомнев тоа, ќе речеа дека сум чудна.
Затоа долго време верував само во она што можам да го објаснам, да го допрам, да го докажам.

А моето тело секогаш чувствуваше.
Мојот инстинкт секогаш знаеше.
Но кога околината го замолчуваше мојот внатрешен глас,
кога ми велеа:
„си измислуваш“,
„премногу анализираш“,
„само си преосетлива“ –
почнав да се сомневам.
Не во нив.
Во себе.

Се изгубив. Но не засекогаш.

Сега знам.
Затоа прогледав.
Затоа го препознав и нарцисот.
Не затоа што некој ми покажа книга –
туку затоа што мојата енергија вибрираше НЕ,
токму тогаш кога тој ми велеше ДА.
А не беше.
И јас го знаев тоа.
Само уште не знаев да си верувам.

Сега ја слушам енергијата.
Сега се слушам себеси.
И знам – тоа не е чудно.
Тоа е мојата сила.