Понекогаш за добар изглед е доволна само една искра инспирација. Овојпат ја најдов на Pinterest – едноставна, но впечатлива комбинација: црнo здолниште до колена, маица со долги ракави, црни патики и неколку златни детали.
Комбинација што секогаш функционира – удобна, минималистичка и елегантна.
Додека шетав низ трговски центар, налетав на интересна поставка на уметнички дела. Боите и енергијата веднаш ме привлекоа – а облеката што ја носев совршено се вклопи во позадината.
Спонтано застанав, се насмевнав и клик – моментот беше фатен.
Мојот outfit:
– Црно здолниште: купено минатата година на акција во H&M
– Маица со долги ракави: Bonprix
– Патики: Sinsay
– Чанта: Temu
– Накит: Temu
– Очила за сонце: New Yorker
Pinterest постојано ми покажува дека со едноставни и достапни парчиња можеш да создадеш нешто свое – свој момент, свој стил.
За убав изглед не мора да се троши богатство – потребни се само малку имагинација и чувство за себе.
Во наредните објави ќе вклучам и парчиња што ги најдов во центри за повторна употреба, а ќе започнам и со градење на мојата капсулна гардероба.
VMESNI SVETOVI 